Kryetarja e LSI-së, Monika Kryemadhi e ka nisur ditën me një postim kundër kryeministrit, të cilin e quan “karafili i qeverisë”.
Pas reagimit të kryeministrit në orët e vona ndaj kritikëve të tij për publikimin e 100 emrave të nëpunësve të dyshuar se kanë abuzuar me detyrën e tyre, Kryemadhi ka shpërthyer sërish.
Ajo e quan qesharake atë çfarë shkruan Rama, ndërsa shton se “pushteti i delirit nuk njeh më kufij”.
“Ndaj të gjthë së bashku duhet ta ndalojmë këtë delirant që nuk njeh më kufizime. Sot më shumë se kurrë opozita duhet të jete e fortë dhe e bashkuar për ti treguar këtij kryeministri në delir se pushteti i pakufizuar dhe arroganca janë te papranueshme në demokraci, qoftë edhe në një demokraci të brishtë si e jona”, shkruan ndër të tjera Kryemadhi.
