Festa e Shpalljes së Pavarësisë ka bërë bashkë politikanët.
Teksa në Vlorë presidenti Ilir Meta është shfaqur në krah të kryeministrit Rama dhe të presidentit të Kosovës, Hashim Thaçi, në Elbasan ka pasur një “bashkim” të PS-së dhe LSI-së.
Konkretisht, kryetarja e LSI-së, Monika Kryemadhi është fotografuar në krah të kreut socialist të bashkisë së Elbasanit, Qazim Sejdini.
Kryemadhi dhe Sejdini janë shfaqur në krah të njëri-tjetrit gjatë aktiviteteve që bashkia kishte organizuar me rastin e festës së Pavarësisë.
Kujtojmë Sejdini është një nga më të shënjestruarit e opozitës, si një nga personat që ka lidhje me bandën e Elbasanit.
Duket se sot, Kryemadhi dhe Sejdini kanë “vënë dorën në zemër” e janë bashkuar për hir të simbolit të kësaj dite të rëndësishme për të gjithë shqiptarët.
