Kryetarja e Lëvizjes Socialiste për Integrim, Monika Kryemadhi humbi qetësinë dhe i gjuajti me këpucë kryeministrit Edi Rama. Kryemadhi shpërthen në të shara dhe vepron duke hedhur këpucën e saj në drejtim të Ramës. Këpuca nuk e ka prekur kryeministrin falë ndërhyrjes së menjëhershme të njërit prej gardistëve i cili i ka devijuar drejtimin këpucës.
Kryetarja e LSI-së, Kryemadhi nuk është përmbajtur por e ka goditur me këpucë dy herë dhe më pas ka hedhur drejt kryeministrit dosjet që ka gjetur para. Ajo përdori edhe disa fashikuj me letra, pastaj shishe uji, pastaj sërish letra e në fund përsëri shishe uji. Në fund Kryemadhi u largua me çorape…
Kryemadhi madje i hodhi tutje kartonin deputetit të PS Musa Ulqini i cili nuk mundi dot të votojë për Arta Markun, duke u futur si pa dashur në “pesëshen e tradhtarëve” të Ramës.
