Kryetarja e LSI-së, Monika Kryemadhi ka deklaruar se nuk ka “oreks” të bisedojë sa i takon reformës në drejtësi, ndërsa si shenjë krahasimi ishte rasti i Rumanisë, që sipas saj, prej dy vitesh reforma, niveli i korrupsionit dhe inkriminimit vetëm është shtuar.
“Unë kam marrë një vendim që s’do të flasë më fare për reformën në drejtësi. Le ta ndërtojnë, le ta bëjnë, le ta menaxhojnë, le t’i zgjedhin, le t’i krehin, le t’i puthin, të bëjnë çfarë të duan. Do të them vetëm diçka; para dy vitesh në Rumani dilte populli dhe donte njerëzit në burg pas dy vjetësh thonë të futet prokurorja në burg. Reforma në drejtësi bëri një kolaps dhe inkriminoi më shumë jetën politike në Rumani. Doni OMN-në. E sollën. Listën që bëri ajo e kthyen mbrapsht. Atë që vodhi temën e diplomës Plaren Ndrecës e vunë të parin në listë”-tha ajo.
Pas letrës së dërguar nga Kryemadhi në adresë të ambasadorit amerikan, Donald Lu duket se ka ftohur marrëdhëniet mes saj dhe diplomatit të ShBA, pas përgjigjes mohuese që i ka kthyer ai në lidhje me zgjedhjen e kryeprokurores së përgjithshëm të përkohshme.
Kryemadhi duket se është e tensionuar në raport me ambasadorin amerikan, ndërsa tha se për peshqit e mëdhenj të bëhet çfarë të duan, të kapin peshq apo edhe gjëra të tjera, ndërsa Kryemadhi la të kuptohet se raportet me ambasadorin Lu nuk janë ato që priteshin.
Ambasadori amerikan ka thënë se do të kapen peshqit e mëdhenj?
Kryemadhi: Të bëjnë çfarë të duan, të hedhin rrjeta, të kapin peshq, të kapin cironka
