Kryetarja e LSI-së, Monika Kryemadhi, ka pasion gatimin dhe gjithmonë ajo nuk kursehet për të sjellë në tryezë ushqime të shëndetshme. Ajo është një nënë e kujdeshme në familjen e saj, e po kështu edhe për një ‘familje’ më të madhe, për të rinjtë e partisë.
Këtë e ka bërë publike ish-drejtoresha e Tatimeve, Brisida Shehaj, e cila thotë se meqë nuk kishin kafe turke, Kryemadhi ka përgatitur hasude.
“Për sonte po bëjnë hasude, meqënëse na mungonte kafja turke“, shkruan Shehaj, dhe në foto shfaqet Krymadhi me përparëse. Rreth tyre ka shumë të rinj, të cilët me kuriozitet shikojnë recetën e kryetares së LSI-së.
Hasudeja është një ëmbëlsirë tradicionale shqiptare, e thjeshtë dhe e lirë, pa shumë shpenzime. Ëmbëlsira, si bazë për gatimin ka niseshtenë, është e veçantë në shije dhe pëlqehet për pjesën e jashtme që rezulton krokante, ndërsa brenda e butë dhe e shkrifët.
Ish-drejtoresha e “hekurt” e Drejtorisë së Tatimeve, duket se po shikon ditët e fundit të verës me të rinj e të reja, me dëshirë për politikën dhe për ndryshim.
Shehaj, e cila ka qenë një ndër drejtoreshat më të spikatura në qeveri, duket se po kalon një kohë të mirë me Monika Kryemadhin. Dhe kjo reflektohet edhe nga fotoja në fjalë.
