Toni Kroos kundër rrymës në uljen e pagave për futbollistët për shkak të koronavirusit. “Ulja e pagave të lojtarëve është si dhurim për klubin, si një dhurim i bërë kot” ka thënë mesfushori i Real Madrid. “Përkundrazi, pagat të paguhen dhe të gjithë të ndihmojnë të tjerët ashtu siç preferojnë duke bërë bamirësi” vazhdon Kroos duke folur për SWR Sport.
“Ekzistojnë shumë situata të cilat është e nevojshme të ndihmohen, të gjithëve u kërkohet të ndihmojnë, por të gjithë duhet të jenë në gjendje ta bëjnë atë ku dhe si preferojnë: kjo është ideja ime” shpjegon 30-vjeçari. Një pozicion që do të plotësonte nevojën për ndihmë ekonomike-shëndetësore, por nuk do të ndihmonte klubet e futbollit në krizë.
Kroos pastaj foli për mënyrën sesi do të rifillojë futbolli: “Nëse do të luanim përsëri në maj do të gjenim zgjidhje. Nëse në vend të kësaj ndalesa duhet të shkonte përtej verës, atëherë disa klube do të kishin vështirësi të mëdha dhe futbolli do të ndryshonte.” Si dhe disa shifra të cmendura: “Unë nuk e di nëse ato akoma mund të ekzistojnë, mbase disa pagesa dhe shifra ekstreme që kemi parë kohët e fundit nuk do të ekzistojnë më. Dhe mbase nuk do të jetë keq duke marrë parasysh tepricat e shumta të botës sonë”.