Presidenti Ilir Meta ka zhvilluar një bisedë telefonike ditën e djeshme me të dërguari special të Departamentit Amerikan të Shtetit për Ballkanin Perëndimor, Matthew Palmer.
Sipas burimeve të siguruar nga “News24”, zyrtari i lartë amerikan është telefonuar nga vetë kreu i shtetit. Mendohet se në fokus të diskutimeve ishte kriza politike që ka shkaktuar “ngërçi” për krijimin e Gjykatës Kushtetuese.
Në vazhdën e takimeve për zgjidhjen e krizës politike, Meta do të zhvillojë një takim në orën 12:00 me ish-presidentin Bujar Nishani. Ndërsa në orën 18:00 kreu i shtetit do të presë ish-presidentin Bamir Topi.
Ndërkohë, zëdhënësi i presidentit Meta reagoi pak më parë lidhur me deklaratën e Ambasadës së SHBA-ve, e cila propozonte që çështja e Kushtetueses të dërgohej në Komisionin e Venecias.
“Garantët e veprimeve të paligjshme dhe mafioze të Dvoranit e kanë marrë mbrëmë përgjigjen zyrtare në një bisedë zyrtare tepër të përgjegjshme të Kryetarit të Shtetit”, shkruhet ne reagimin e Tedi Blushit.
LAJMI I FUNDIT/ Presidenca ‘hedh poshtë’ propozimin e Ambasadës Amerikane
