Që nga shpërthimi i koronavirusit, ekonomitë e vendeve të prekura kanë pësuar rënie drastike.
Shtetet evropiane janë duke menduar sesi të ndihmojnë bizneset që të mund të rimarrin veten, kur e gjithë kjo situatë të ketë mbaruar.
Bëhet me dije se Franca ka ndarë 300 miliardë dollarë kredi për bizneset në vend. Kjo kredi do jetë në dispozicion të biznesit të madh, por edhe të ndërmarrjeve të mesme e të vogla.
Kreditë nëpërmjet Bankës së Investimeve Publike BPI Francë janë me interesa 0.25 përqind. Shifra përbën 12.4 përqind të GDP-së kombëtare franceze.
Por ndryshe nga Italia, fondi francez është edhe për biznesin e madh. Sipas mediave franceze, vlera e kredisë shkon deri në 25 përqind të xhiros vjetore të kompanive.
Franca është një nga shtetet më të prekura nga koronavirusi në Evropë. Më shumë se 2 mijë persona kanë humbur jetën nga Covid-19 në Francë.
