“Greqia dhe kreditorët zyrtarë të shtunën përfunduan bisedimet mbi rishikimin e përparimit të saj të shpëtimit, arritjen e marrëveshjes për çështjet fiskale, reformat e tregut të energjisë dhe të tregut të punës, kreditë e këqija dhe privatizimet”-tha ministri i financave të Greqisë, Euklid Tsakalotos.
Një marrëveshje midis zyrtarëve grekë dhe përfaqësuesve të Bashkimit Evropian dhe Fondit Monetar Ndërkombëtar mbi pajtueshmërinë e vendit me reformat dhe angazhimet e ardhshme duhet të miratohet nga ministrat e financave të eurozonës, takimi është planifikuar për t’u mbajtur ditën e nesërme-shkruan Ekathimerini.
“Vizita e institucioneve është e përfunduar, kemi mbyllur marrëveshjen e nivelit të stafit, ne do të paraqesim marrëveshjen për takimin e grupit Euro ” -u tha gazetarëve ministri i financave Euklid Tsakalotos. Pasi të përfundojë, rishikimi do të nxjerrë rreth pesë miliardë euro kredi nga programi i shpëtimit prej 86 miliardë euro të Greqisë, i treti që nga viti 2010.
Athina dhe huadhënësit e saj kanë qenë duke shkëmbyer drafte për reformat e dakorduara dhe të propozuara. Pas shtatë vitesh të kursimit dhe kredive të shpëtimit që arrijnë në rreth 270 miliardë euro 238.3 bilionë sterlina), Greqia shpreson që paketa e saj e tretë do të jetë e fundit.
Qeveria ka qenë e gatshme të përfundojë shpejt shqyrtimin, i cili filloi në tetor, për të filluar bisedimet mbi lehtësimin e borxheve dhe kushtet e daljes së vendit nga programi i shpëtimit, i cili përfundon në gusht të vitit të ardhshëm.
