Gjatë paradites së sotme, një plagosje me armë zjarri ka ndodhur në Kavajë. Sipas të dhënave paraprake, plagosja ka ndodhur në afërsi të Bashkisë së Kavajës, teksa i plagosuri mësohet të jetë Rexhep Tare.
Nuk dihen ende shkaqet por policia ka shkuar në vendin e ngjarjes. Kanë nisur hetimet, por banorët kanë thënë se policia ka arritur të ndalojë autorin. Ndërkohë, që shtetasi i plagosur është transportuar në spital.
Kavajë/Informacion Paraprak
Shoqërohet autori i plagosjes me armë zjarri në Kavajë.
Sekuestrohet edhe arma e dyshuar e krimit
Rreth orës 11:10 në Kavajë, në lagjen nr 2, për motive të dobëta, është plagosur me armë zjarri shtetasi R. T, 53 vjeç, i cili u dërgua në spitalin Rajonal të Durrësit për ndihmë mjekësore jashtë rrezikut për jetën.
Autori i dyshuar i ngjarjes shtetasi F.B, 31 vjeç, nga Kavaja po shoqërohet në Komisariat, për veprime të mëtejshme. Është sekuestruar edhe arma e dyshuar e krimit, një armë zjarri kallashnikov.
Grupi hetimor ndodhet në vendngjarje,ku po vijon punën për sqarimin e mëtejshëm të rrethanave të ngjarjes.
