Autoritetet në Britaninë e Madhe kanë vendosur që krimineli serb i luftës Radovan Karaxhiç, do ta vuajë pjesën e mbetur të dënimit, në një burg në ishullin Weight.
Në këtë burg, aktualisht vuajnë dënimin të akuzuarit për përdhunime dhe pedofili, shkruan prestigjozja britanike, The Sun.
Sipa zyrtarëve, do të ishte e rrezikshme nëse ai do të dërgohej në një burg me shumicë të burgosurish myslimanë, ndaj morën këtë vendim. Në burgun e Weight, myslimanët përbëjnë rreth 10% të të burgosurve.
Ish-udhëheqësi serb u dënua në Gjykatën Penale Ndërkombëtare në Hagë, Hollandë, në 2016. Ai akuzohet për genocidin në Srebrenicë të Bosnje dhe Hercegovinës, ku forcat serbe vranë 8 mijë boshnjakë.
