Parukierja Marsida Qatja, e cila u kthye sot në ‘mollë sherri”, ka bërë publike detaje tronditëse lidhur me atë se çfarë ndodhi. Më herët u cilësua si krim pasioni, e ndërsa ajo e hedh poshtë këtë tezë. Nëna e tre fëmijë është shprehur se ka thirrur policin Bledar Toçi për ndihmë, dhe se nuk e kishte menduar se situata do të precipitonte në këtë formë.
“Thirra Bledin për ndihmë ngaqë ishte polic. Dritan Haxholli na kërcënonte vazhdimisht. Bledin e thirra të më ndihmonte, sepse kisha edhe fëmijët, por nuk ma mori mendja që çështja do të arrinte deri këtu.
Bledari na ndihmonte shpesh. Isha me shokun tim Xhulion në shtëpi, Bledi kishte vetëm 15 minuta që kishte ardhur. Në atë moment erdhi Dritani dhe qëlloi dritarën. Sapo hyri në shtëpi qëlloi sërish. Bledari nisi të vetëmbrohej me armën që kishte”, është shprehur Qatja, në një intervistë për News 24.
Konflikti i armatosur përfundoi me një viktimë dhe me një të plagosur.
