Sulmet me armë zjarri janë “zhvendosur” pranë zonave bregdetare. Ngjarjet kriminale duket se nuk kanë fund, e po kështu edhe bilancet tragjike. Një përplasje më armë në Velipojë tronditi vendin, ku u vranë kater persona dhe dy të tjerë janë plagosur rëndë.
Në kohën kur krimi në vend ka dalë jashtë kontrollit, Ministri i Brendshëm Bledi Çuçi ka bërë lëvizjen urgjente, ku mësohet se do të zhvillojë një konferencë për media.
Ministria e Brendshme njofton se konferenca do të nisë në orën 11:00 në sallën brenda Ministrisë, ndërkohë që vjen një ditë pas takimit të ministrit Çuçi dhe drejtuesve të tjerë të policisë me kryeministrin Edi Rama në Vlorë.
Gjatë këtij takimi pritet të prezantohet plani i ri i ristrukturimit të punës së Ministrisë së Brendshme dhe Policisë së Shtetit, pas vrasjeve dhe aksidenteve të rënda që kanë përfshirë vendin gjatë javëve të fundit.
