Në përfundim të seancës kundër Redjan Rrajës tek Krimet e Rënda, ka pasur një deklaratë dhe nga avokati i tij Besnik Çerekja. Ai shprehet se Rrajën nuk e lidh asgjë me krimin, dhe konteston provat e prokurorëve.
“Versioni që vetë Redjani tha, është se nuk është i përfshirë në këtë histori. Kontestuam provat që pretendojnë prokurorët. Prokuroria solli gjurmë papilare të gishtave të Redjan Rrajës, te një nga sendet që ndodheshin në makinë.
Ditën e atentatit ndodhej në Shqipëri. Nuk po tentonte të arratisej. S’ka pasur asnjë njohje dhe as konflikte. Redjani deklaroi vetëm; ‘Jam dakord me mbrojtjen, dhe shpresoj drejtësia të bëjë punën e saj”, u shpreh më tej avokati mbrojtës.
Në automjetin tip ‘’Benz’’ ngjyrë gri me targa të vjedhura AA 342 LM, u gjetën një palë syze, të cilat pa ekzaminimeve konstatuan gjurmë të gishtave të Rrajës.
