Ministri i Drejtësisë së Kosovës ka dhënë lajmin e mirë për të gjithë kosovarët. Kryeministri i Kosovës, Ramush Haradinaj, nuk do të jetë më pjesë e listës së kërkimit nga INTERPOL-i.
Tashmë për drejtuesin e qeverisë së Kosovës, është hapur drita jeshile dhe mund të udhëtojë pa asnjë pengesë. Mediat kosovare raportojnë se lajmin për këtë e ka dhënë ministri i Drejtësisë, Abelard Tahti.
Ministri i Drejtësisë së Kosovës, Abelard Tahiri, e ka konfirmuar për Express se emri i kryeministrit Ramush Haradinaj është hequr nga lista e të kërkuarve në INTERPOL.“Po, është e vërtetë. Më Ramush Haradinaj nuk është në këtë listë. Konfirmimi për këtë na ka ardhur sot nga INTERPOL”-tha ai. Policia e Kosovës ka bërë ankesat në lidhje me personat që ndodheshin në listën e të kërkuarve nga INTERPOL.
Por, lajmi i mirë nuk është vetëm për Haradinajn, pasi janë hequr nga lista edhe 18 persona të tjerë, që ishin pjesë e listës së kërkimit ndërkombëtar nga Serbia për krime lufte gjatë luftës në Kosovë. Në mesin e këtyre 18 personave ka qenë edhe kryeministri i Kosovës, Ramush Haradinaj, i cili në dhjetor të vitit të kaluar u arrestua në bazë të një urdhër arresti ndërkombëtar të lëshuar nga Serbia, në Mulhouse të Francës.
Në këtë listë, përveç Haradinajt, janë edhe Azem Syla, Shukri Buja, Tomor Morina, Sinan Morina, Fadil Kastrati, Murtez Kastrati, Ardian Duraku, Vitor Zefaj, Besim Vokshi, Mahmut Ukshini, Fadil Syleviqi, Sylë Qeriqi, Qamil Pajaziti, Shpejtim Demiri, Azem Olluri, Muharrem Gashi, Bujar Bobani, Rabit Aliji dhe Faruk Noshaj.
