Një 20-vjeçar i shpallur në kërkim nga ana e policisë, pasi kishte përdhunuar një të mitur dy vite më parë, tashmë është vënë në pranga. Policia e Durrësit ka vënë në pranga shtetasin Klendi Xhura, 20-vjeç, banues në Durrës. Gjykata e Shkallës së Parë Durrës e ka dënuar me 3 vjet, 7 muaj e 28 ditë burg për veprën penale “Marrëdhënie seksuale me të mitur”. Ky shtetas, në vitin 2019 ka kryer marrëdhënie me një 12-vjeçare.
“Specialistët për Hetimin e Krimeve në Komisariatin e Policisë Durrës, në vijim të punës për kapjen e personave në kërkim dhe vënien e tyre para përgjegjësisë ligjore, ndaluan shtetasin Klendi Xhura, 20 vjeç, banues në Durrës, të cilin Gjykata e Shkallës së Parë Durrës e ka dënuar me 3 vjet, 7 muaj e 28 ditë burgim për veprën penale “Marrëdhënie seksuale me të mitur”, pasi në vitin 2019 e ka konsumuar këtë vepër penale me një shtetase të mitur 12 vjeçe”.
