Kreu i Vetëvendosjes në Tiranë, Enes Sulstarova deklaroi se kryeministri Edi Rama po i bën lavazh figurës së presidentit të Serbisë, Aleksandër Vuçiç.
I ftuar këtë mbrëmje në emisionin “Arena”, Sulstarova shprehet se duke marrë shkas nga veprimet e fundit, Rama po e mirëpret Vuçiç, pavarësisht se ky i fundit vijon të mohojë krimet e kryera nga serbët në Kosovë.
“Unë mendoj se nëse ka pasur një varak qeverisja Rama deri tani, në aspektin kombëtar tani i ka rënë jashtë mase. Nuk ka çfarë të sjell më, ne po e shikojmë se ai po mirëpret Vuçiçin edhe pse ky i fundit vazhdon të mohojë krimet e Serbisë, dhe masakrën e Reçakut, që është simbol për ne shqiptarët. Rama po përpiqet t’i bëjë një lavazh figurës së Vuçiçit, këtu e ka katandisur veten kryeministri i Shqipërisë, t’i bëjë lavash dhe ti vendos gëlqere figurës së pasardhësit të Millosheviçit”, deklaroi Sulstarova.
