Kreu i PD në Fier, Luan Baçi, ka hedhur poshtë të gjitha pretendimet se protestat e opozitës kanë qenë të dhunshme. Ai u shpreh për ‘Report TV’ se sot mund të ketë tensione, ndërsa ia faturoi fajin policisë, si provokatore të dhunës.
“Për protestën e sotme vendosin qytetarët. Protestat duhet të jenë jo të dhunshme. Protestat e PD nuk kanë qenë të dhunshme.
Nuk mund të quhen të dhunshme ato shishet që i quajnë si molotovë. Policia është provokatore e dhunës. Nga një opozitë në kushte depresioni, ka dalë në rrugë dhe ka në mbështetje popullin, nuk mund të presin që t’i hedhim lule.
Mund të ketë edhe tensione të cilat gjithmonë janë prezente në një protestë. Këto qytetarët që vijnë pas opozitës, nuk vijnë vetëm për ndërrim pushteti”, u shpreh Baçi.
