‘Një vaksinë nuk do t’i japë fund pandemisë’. Është ky paralajmërimi që ka dhënë kreu i Organizatës Botërore të Shëndetësisë, Tedros Adhanom Ghebreyesus. Sipas tij, një vaksinë nuk do të ndalonte në vetvete pandeminë e koronavirusit, duke marrë parasysh shifrat rekord me pacientë të infektuar.
“Një vaksinë do të plotësojë mjetet e tjera që kemi, jo t’i zëvendësojë ato”, tha kreu i OBSH-së. “Një vaksinë më vete nuk do t’i japë fund pandemisë”, shtoi më tej ai.
Ai informoi se vaksinën do e merrnin fillimisht “punëtorët shëndetësorë, njerëzit e moshuar dhe popullata në rrezik duke u dhënë përparësi. Kjo shpresojmë që të zvogëlojë numrin e vdekjeve dhe të lejojë që sistemet shëndetësore të përballin fluksin”.
Por ai paralajmëroi; “Kjo do ti lërë virusit me shumë hapësirë për të lëvizur. Mbikëqyrja do të duhet të vazhdojë, njerëzit do të duhet ende të testohen, izolohen dhe të kujdesen, kontaktet do të duhet ende të gjurmohen … dhe individët akoma do të duhet të kujdesen”.
