Kreu i OBSH: Shtetet bëjnë gabim të madh nëse mbështeten vetëm te vaksina

Organizata Botërore e Shëndetësisë deklaroi se rritja e madhe e rasteve të reja me koronavirus në 57 shtete, vjen si pasojë e varianteve të reja që po qarkullojnë, por edhe për shkak të lehtësimit të masave nga këto shtete.

Kreu i OBSH, Tedros Adhanom tha se shtetet nuk duhet të mbajnë shpresat vetëm te vaksina.

Sipas tij,  duhet të investuar më tepër në shëndetësi, për të përballuar këtë situatë por edhe për të parandaluar skenare të ngjashëm.

“Kemi vënë re rritje të shifrave në disa shtete, kjo besojmë se vjen nga relaksimi i masave anti-Covid, ulja e armëve dhe qarkullimi i varianteve të reja të virusit.

Vaksinat do të ndihmojnë në shpëtimin e jetëve, por nëse shtete mbështeten vetëm te vaksina, bëjnë gabim të madh. Për shtetin duhen investime në shëndetësi, plane dhe përgjigje të koordinuara. Për qytetarët do të thotë higjenë, distancë, maskë”, u shpreh ai.