A do të ketë një 2-Mars tjetër? Ja si përgjigjet Presidenti Meta

Presidenti i Republikës, Ilir Meta, ka folur në lidhje me manifestimin e 2 marsit të vitit 2020. I ftuar në emisionin ‘Frontiline’,  Meta tha se “2 marsi” nuk dështoi, por ishte një lloj zgjimi për shqiptarët.

Ndër të tjera, ai tha se nuk do i thërrasë më shqiptarët pasi sipas tij nëse do mblidheshin edhe njëherë situata nuk do të ishte në kontroll.

Ilir Meta: ”Nuk kam pasur kohë të mendoj për këtë gjë, por nuk e di a do më zërë gjumi sot, por do përpiqem të jem i freskët nesër, sepse kam një agjendë mjaft intensive. 2 marsi është një proces që kulmon më 25 prill, i cili e kam bërë të qartë që është një referendum.

Nuk kam guxuar t’i thërras më shqiptarët pas 2 marsit, sepse kam qenë i bindur që nuk do i përmbaja dot, sepse për 1 vit kanë ndodhur gjëra shumë të rënda, ka ndodhur shkatërrimi barbar në kulmin e pandemisë i Teatrit Kombëtar, kanë ndodhur kaq shumë koncesione korruptive, që kanë dëmtuar rëndë interesin publik e kombëtar. Ka kaq shumë probleme. 25 prilli do iu japë gjithë shqiptarëve atë çlirim, për të cilin ata kanë nevojë.”