Drejtori i Përgjithshëm i Organizatës Botërore të Shëndetësisë Tedros Adhanom gjatë një konference për shtyp theksoi se “koronavirusi do jetë me ne për një kohë të gjatë”.
Adhanom i mëshoi faktit se shtetet nuk duhet të bien pre e vetëkënaqësisë.
Ai nënvizoi se masat e bllokimit pa dyshim ndihmuan në frenimin e përhapjes së virusit.
“Shumica e vendeve janë akoma në fazat e hershme të epidemive të tyre dhe disa që janë prekur në fillim të pandemisë, tani kanë filluar të shohin një ringjallje të rasteve.
Mos bëni gabime, kemi një rrugë të gjatë për të bërë. Ky virus do të jetë me ne për një kohë të gjatë.
Nuk ka dyshim se urdhrat e qëndrimit në shtëpi dhe masat e tjera fizike të distancimit kanë frenuar me sukses transmetimin në shumë vende, por ky virus mbetet jashtëzakonisht i rrezikshëm”, tha kreu i OBSH-së.
