Në datën 4 qershor, presidenti Ilir Meta propozoi emrin e Arben Shehut për të drejtuar KLSH-në. Duke iu referuar kreut të shtetit, Arben Shehu plotëson të gjitha kushtet dhe kriteret ligjore për t’u emëruar në këtë pozicion, si dhe është një kandidaturë me eksperiencë të gjatë në fushën e së drejtës dhe pedagogjisë.
E ndërsa sot, Komisoni i Ekonomisë ka miratuar propozimin e presidentit Meta, për kreun e KLSH-së, Arben Shehu. Anëtarët e Komisionit kanë miratuar me 15 vota pro, 1 abstenim dhe 2 kundra, Arben Shehun si drejtues të Kontrollit të Lartë të Shtetit. Kryetarja e Komisionit të Ekonomisë, Milva Ekonomi, deklaroi se kandidatura e Arben Shehut do t’i përcillet për votim të mëtejshëm në seancën e Kuvendit.
