Ndërsa foli për mediat pas homazheve te shtatorja e Ismail Qemalit, në bulevardin Dëshmorët e Kombit, Kreu i Shtetit, Ilir Meta është prononcuar edhe për zhvillimet në sport. Referuar zgjedhjeve për kreun e ri të FSHF, presidenti Meta tha se zgjedhjet për këtë institucion duhet të jenë transparente. Ai ka dënuar çdo ndërhyrje të politikës, që synon shantazhimin ndaj atyre që duhet të zgjedhin, bazuar mbi programet e kandidatëve.
“Është për të ardhur keq, politizohet skajshmën edhe futbolli. Nuk është hera e parë që kemi përpjekje të ethshme e brutale për të ndërhyrë në zgjedhje, që duhet të jenë të qeta e transparentë të këtij institucioni. Edhe pse nuk merremi me futboll, të gjithë e ndjekim atë në familjet shqiptare.
Dënoj çdo ndërhyrje të politikës, që synon shantazhimin ndaj atyre që duhet të zgjedhin bazuar mbi programet e kandidatëve, dhe kurrsesi nën presion”, u shpreh Meta.
