Një tërmet tjetër i fuqishëm prej 5.3 ballë shkalla Rihter, ka goditur përsëri Heraklion e Kretës. Tërmeti është shënuar në orën 07:48 të mëngjesit me epiqendër 13 km thellësi, dhe 22 km në juglindje të Heraklion, thuajse në të njëjtën zonë ku dha goditjen tërmeti i djeshëm prej 6 ballësh shkalla Rihter.
Kujtojmë këtu se prej ditës së djeshme, ishulli më i madh i Greqisë vijon të shkundet nga tërmetet e njëpasnjëshme.
Ditën e djeshme Kreta u godit nga tërmeti 6 ballë shkalla Rihter që la pas 1 viktimë, dhjetra të plagosur dhe dëme të konsiderueshme.
Per shkak të frikës e pasigurisë për jetën, banorët e ishullit e kaluan natën nëpër tenda e çadra.
