Gazetari Bledi Mane shkruan sonte se nuk duhen shuar shpresat, sepse ky vend nuk prodhon vetëm lajme të këqija, por dhe lajme të mira. Në profilin e tij në “Facebook”, Mene shkruan se ka kënaqësinë të ndajë me kolegët një lajm të gëzuar.
Gazetari duke iu drejtuar kolegëve por jo vetëm, shkruan: “Arbër Hajdari, drejtori ekzekutiv i nismës “Fundjavë Ndryshe”, djaloshi energjik që lehtëson dhimbjet dhe shëron plagët e njerëzve në nevojë nga Veriu në Jug, është ftuar në Washington nga Departamenti i Shtetit si një prej liderëve më të rinj botërorë që ka institucionalizuar kauzën e tij”.
Ndërkohë, Mane kujton edhe lajmin që erdhi dy muaj më parë nga Departamenti Amerikan i Shtetit, i cili njollosi me vulën e zezë ish-kryeprokurorin gangster Adriatik Llalla. Mane njihet nga kolegët dhe lexuesit për mënyrën e drejtpërdrejtë të komunikuarit, me këtë gazetari thotë se DASH di shumë mirë se kë do të penalizojë dhe për cilin vendos që ta përkrah si liderin e ardhshëm botëror. Ai u thotë shqiptarëve që të mos i humbin shpresat, sepse ka ende njerëz që sakrifikojnë dhe i përkushtohen humanizmit si Arbër Hajdari, të cilin e mbështet dhe Departamenti Amerikan i Shtetit.
“Respekte pa fund për Arbër Hajdarin, respekte pa fund për gjeneratën e re shqiptare!”, mbyllet komenti i Manes në “Facebook”.
Postimi i plotë i gazetarit Bledi Mane
Mos u trembni se ky vend nuk prodhon vetëm lajme fatale. Mos u trembni se ende ka njerëz që sakrifikojnë dhe i përkushtohen humanizmit. E mbani mend para 2 muajsh kur Departamenti Amerikan i Shtetit njollosi me vulën e zezë ish kryeprokurorin gangster Adriatik Llalla?
Sot kam kënaqësinë kolektive tu sjell një lajm të gëzuar. Arbër Hajdari, drejtori ekzekutiv i nismës “Fundjava Ndryshe”, djaloshi energjik që lehtëson dhimbjet dhe shëron plagët e njerëzve në nevojë nga Veriu në Jug, është ftuar në Washington nga Departamenti i Shtetit si një prej liderëve më të rinj botërorë që ka institucionalizuar kauzën e tij.
Respekt pa fund për Arbër Hajdarin, respekt pa fund për gjeneratën e re shqiptare!
