Kryeministri Edi Rama ka uruar besimtarët myslimanë për festën e Kurban Bajramit.
Krahas mesazhit të urimit postuar në llogarinë e tij në “Facebook”, Rama ka publikuar edhe disa foto të Xhamisë së Pazarit në Gjirokastër. Sipas tij, rikonstruktimi ka nxjerrë në dritë godinën e kultit.
“Dhe me këto pamje të punës së bukur për nxjerrjen në dritë të Xhamisë së Pazarit në Gjirokastër, GËZUAR KURBAN BAJRAMIN”, shkruan Rama.
Ndërkohë, edhe kreu i Partisë Demokratike, Lulzim Basha ka uruar besimtarët për Festën e Sakrificës.
“Të dashur vëllezër dhe motra besimtarë myslimanë, ju uroj nga zemra Gëzuar Festën e Sakrificës, këtë kremtim të shenjtë të fuqisë së besimit tek Krijuesi. Zoti ju faltë mirësi, mbarësi dhe shëndet ju dhe familjeve tuaja dhe Zoti e bekoftë Shqipërinë e shqiptarët kudo ku janë”, shkruan Basha.
