Pas publikimit nga KQZ të shifrave të reja të pjesëmarrjes së qytetarëve në zgjedhje, një reagim është përcjellë nga ana e ish-deputetit Oerd Bylykbashi.
Sipas tij, ky raport nuk është transparent dhe nga dita në ditë, KQZ po i fryn shifrat e pjesëmarrjes. Në krye të statusit që e ka shpërndarë në Facebook, ai shkruan me ironi se KQZ është bërë si një tenxhere e cila zien pilafin.
Bylykbashi vë në dukje se abuzimi që po bëhet me KQZ-në është mjaft i rëndë, ku nuk japin asnjë shifër në kohë reale. Ish-deputeti nënvizon faktin se vetëm 15 % e qytetarëve shkuan të votonin, e pjesa tjetër refuzuan 30 qershorin.
Statusi
KQZ si tenxhere per te zier pilaf
Doli KQZ dhe deklaroi sot, me nje tis funeber, se ne votimet e Rames paskan votuar 812 mije votues. Te dielen ne darke deklaroi se kishin votuar 772 mije votues. E kishte shtuar me vetem 40 mije zgjedhes.
Kjo shtese me kujtoi gjyshen time kur isha femije qe preferonte orizin bullgar me shume se ate te vendit sepse shtonte me shume volum kur behej pilaf. Ja ku kane perfunduar kater militantet e PS ne KQZ, ne kuzhiniere pilafi per dreken e vakise se Rames.
E mbajne mbyllur KQZ-ne dhe nuk japin asnje shifer ne kohe reale siç jepej dikur, qofte edhe para dy vjetesh, kur rezultatet transmetoheshin te detajuara ne kohe reale. Kesaj radhe sistemet elektronike te transmetimit dhe publikimit te te dhenave i kane fikur ose nuk i kane vene fare ne pune sepse transaprenca nxjerr ne shesh ç’po gatuajne. Me pak fjale, i kane vene kapak tenxheres me emer KQZ qe te zieje mire pilafi.
Tashme te gjithe e dine qe vetem 15 % i shkuan ne votimet farse dhe 85 % e shqiptareve ia refuzuan 30 qershorin. Te gjithe i kane pare qendrat e votimit ku nuk hynte kembe njeriu per ore te tera, por nderkohe KQZ rriste shifrat e pjesmarrjes.
Dhe meqe ne 2015 votuan 48 %, Rama dha urdher qe ta conin pjesmarrjen sa gjysma. Ne mbremjen e 30 qershorit, edhe pse shifra e vete KQZ-se tregonte 21 %, publikisht deklaruan 24 %, fiks sa gjysma e 2015. Por Rama e kuptoi qe po i derdhej uji i pilafit qe vlonte dhe e uli pak zjarrin. Sot deklaruan 22 perqind, ama kater kuzhinieret me perparese zhul ne KQZ ia kane shtuar plot 7 % volumin e ketyre zgjedhjeve qe i bene pilaf.
Rezultati i ketyre zgjedhjeve nuk ishte rezultati per partite por pjesmarrja. Rama kete pjate i ka porositur kuzhines se KQZ. Nuk thone kot: nje rezultat i vonuar eshte rezultat i gatuar.
