Komisioni Qendror i zgjedhjeve ka vendosur të padisë në Prokurori 76 numërues të partive kryesore, për shkelje të përcaktimeve ligjore, të cilat mundësuan tjetërsimin e votës.
Vendimi u mor pas procesit të rinumërimit të 68 kutive të votimit të qarqeve Tiranë dhe Berat.
Kreu i KQZ-së, Klement Zguri vlerësoi se numëruesit më së shumti janë viktima të urdhrave politikë.
Pro vendimit për paditjen e numëruesve votoi edhe nënkryetari Biba, i cili tha se është Prokuroria që do të vendosë për shkeljen e ligjit, ndërkohë që KQZ vetëm bën konstatimin. Ai tha se shpreson që kallëzimi të shërbejë për të ardhmen.
Edhe pse votat e tjetërsuara nuk kishin asnjë efekt në shpërndarjen e mandateve, KQZ vendosi të zbatojë ligjin.
Pro vendimit votoi edhe nënkryetari Biba, i cili tha se është Prokuroria që do të vendosë për shkeljen e ligjit, ndërkohë që KQZ vetëm bën konstatimin. Ai tha se shpreson që kallëzimi të shërbejë për të ardhmen.
“Komisioni Qendror i Zgjedhjeve i bën thirrje prokurorisë që të hetojë dhe të çojë përpara drejtësisë shkelësit e ligjit.
Gjithashtu, KQZ i bën apel edhe të gjithë atyre personave të cilët kanë dyshime të arsyeshme apo prova për shkelje të ligjit zgjedhor, t’i dorëzojnë ato në prokurori.
Dërgimi para drejtësisë i personave që kryejnë vepra penale në lidhje me zgjedhjet, jo vetëm rrit përgjegjësinë e komisionerëve zgjedhore për zbatimin rigoroz të Kodit Zgjedhor dhe respektimin të vullnetit të qytetarëve, por gjithashtu rrit besimin në procesin zgjedhor”, tha menjëherë pas mbledhjes zëdhënësja e KQZ-së, Drilona Hoxha.
