Komisioni i Pavarur i Kualifikimit ka shkarkuar nga detyra gjyqtaren Enkeleda Kapedani. Vendimi në fjalë është marrë me unanimitet nga trupa e KPK, ndërkohë që Kapedani ka dalë me probleme në të tria kriteret e vlerësimit.
Gjyqtarja Kapedani u bë e famshme pas publikimeve të videove në “Tik Tok”, teksa bënte sfilatë në zyrë. Vitin e kaluar, Këshilli i Lartë Gjyqësor vendosi pezullimin nga detyra të saj.
Në videot e bëra publike, Kapedani ecte brenda korridoreve të Gjykatës si në pasarelë dhe pozonte në mënyrë provokuese në zyrë. Në një video tjetër ajo filmoi veten duke dëgjuar në sfond një këngë ku dëgjohen fjalë si “Mafia” apo “Kolumbia”.
