Presidenti i Shqipërisë, Ilir Meta ka zhvilluar një vizitë zyrtare në Kosovë, ku u prit nga homologu i tij Hashim Thaçi .
Të dy presidentët kanë nënshkruar një dokument, përmes të cilit janë dakordësuar për disa çështje me rëndësi për të dyja vendet.
Sipas dokumentit të nënshkruar, presidentët ranë dakord që:
-Të përshpejtojnë proceset e integrimit të të gjitha vendeve të rajonit që dëshirojnë të anëtarësohen në BE dhe NATO.
-Hartimin e një dokumenti strategjik për anëtarësimin e plotë të Kosovës në BE dhe NATO.
-Liberalizimin sa më të shpejtë të vizave ndërmjet BE-së dhe Kosovës, si dhe angazhimin e Kosovës që të bëjë çdo përpjekje të zgjidhë në mirëbesim dhe mirëkuptim çështjet që lidhen me marrëveshjen për shënjimin e vijës kufitare me Malin e Zi.
-Vazhdimin e fazës përfundimtare të dialogut ndërmjet Kosovës dhe Serbisë.
