Numri i personave të prekur nga koronavirusi në Kosovë po rritet me ritme të shpejta.
Në 24 orët e fundit janë regjistruar edhe 31 raste të reja, duke e çuar në 480 numrin total të rasteve. Mësohet se gjysma e rasteve të raportuara janë shënuar në Ferizaj (15), në Viti janë regjistruar 9 raste, ndërsa në Prishtinë 2 raste.
Në 24 orët e fundit janë shëruar 5 persona nga COVID-19 në Kosovë. Deri më tani vendi regjistron 12 viktima të shkaktuara nga virusi.
