I dërguari i Posaçëm i BE për dialogun Kosovë-Serbi, Mirosllav Lajçak, ka dhënë sinjalet për një raund të ri bisedimesh të nivelit të lartë mes Kosovës dhe Serbisë, në fillim të muajit shtator.
Ai tha se për këtë është arritur në një marrëveshje ndërmjet kryeministrit të Kosovës, Avdullah Hoti dhe presidentit të Serbisë, Aleksandar Vuçiç.
“Jam i kënaqur që pas prezantimit fillestar të qëndrimeve, të dy liderët janë pajtuar që dialogu të vazhdojë në nivel të ekspertëve gjatë javës së ardhshme këtu në Bruksel”, tha Lajçak.
