Ministria e Drejtësisë në Kosovë njoftoi së fundmi se një zyrtar është infektuar me koronavirus.
Raportohet se zyrtari është karantinuar sipas udhëzimeve të Institutit Kombëtar të Shëndetit Publik të Kosovës (IKSHPK).
“Të gjithë zyrtarët e tjerë, të cilët kanë pasur kontakte me zyrtarin e identifikuar me Covid-19 [sëmundjen që e shkakton koronavirusi] janë karantinuar dhe pritet që, ditët në vijim, të testohen nga IKSHPK-ja”, thuhet në njoftim.
Ditën e djeshme edhe kryeministri në detyrë i Kosovës, Albin Kurti dhe disa zyrtarë të kabinetit të tij janë vetëizoluar për shkak të kontakteve me një zyrtar që ka qenë në kontakt me një person të infektuar me COVID-19.
Më vonë u konfirmua se zyrtari që është bërë shkas për vetëizolimin e Kurtit dhe të tjerëve, ka dalë negativ.
