Komisioni Qendror i Zgjedhjeve në Kosovë do të certifikojë sot listat e kandidatëve për deputetë të subjekteve politike për zgjedhjet e 11 qershorit.
Mbrëmë në mesantë përfundoi afati për korrigjimin e listave me kandidatë nga partitë politike.
Ndërsa më 27 maj është parshikuar edhe hedhja e shortit për renditjen e partive politike në fletëvotime.
Afati i fundit i partive për dorëzimin e listave me kandidatë ka qenë të premten më 19 maj.
E hëna ka qenë dita e fundit kur qytetarët me të drejtë vote që nuk jetojnë në Kosovë kanë mundur të regjistrohen për të votuar. Me gjithë kërkesat e dy subjekteve politike për të zgjatur afatin e regjistrimit për votues jashtë vendit, Komisioni Qendror Zgjedhor nuk e zgjati atë.
