Nga: Marsela Sinani/Teksa tensionet politike duket se janë sheshuar në politikën shqiptare, e njëjta gjë nuk mund të thuhet për Kosovën, pasi diçka po vlon aty. LSI e cila përcolli mesazhe paqeje jo më larg se dje, ka hedhur thumbin e radhës në lidhje me debatin për kufijtë.
Kjo situatë po fryhet shumë me kalimin e orëve, dhe kurrsesi s’mund të përfshihemi në një proces të tillë pa ditur se deri ku mund të shkohet, dhe pa vendosur kornizat e kuqe se deri ku mund të negociohet.
Nëse ky është një iluzion, sigurisht që pasojat janë pa zarar. Kjo mund të jetë një tezë, ose debati i kufijve mund të shihet si një lëvizje taktike e Thaçit. Kjo tezë e cila ka shkaktuar një debat të nxehtë, sjell afërmendsh edhe atë që është prioriteti i Kosovës; ruajtja e kufijve ekzistues.
Ndonëse të rinjtë e LSI janë hardallosur nga pushimet, zëvendëskryetari i kësaj force, Luan Rama, ka ngacmuar me çështjen e Kosovës, e cila dukej sikur këto ditë ishte lënë në harresë.
Ai ka ngritur zërin në kampingun e Jalës për çështjen e ndryshimit të kufijve mes Kosovës dhe Serbisë. Me fjalë të gjetura, ai ka dhënë mesazhin se për Kosovën është derdhur gjak, dhe se do të luftohet pambarimisht.
Këto mesazhe nuk dihet nëse janë taktikë mjaft e gjetur, kur shpejt vjen edhe nisja e sesionit të ri parlamentar. Kryemadhi e hodhi mesazhin e para, e ndërsa guri i radhës vjen nga Luan Rama. Sinjalet po jepen për një politikë të fortë, ku po luhet edhe letra e fundit.
https://tiranatoday.com/rebelohet-luan-rama-per-kosoven-eshte-derdhur-gjak-mos-luani/
