Zv.kryeministri i Kosovës, Enver Hoxhaj ka reaguar pas lirimit të një serbi, i cili ishte i dënuar për krime të rënda ndaj shqiptarëve.
Ky i fundit është shpallur fajtor për vrasjen e 14 civilëve në Kosovë, mes të cilëve edhe 7 fëmijë.
Përmes një postimi në Facebook, Hoxhaj shprehet se Serbia po vazhdon talljen e saj me viktimat e luftës në Kosovë, dhe lirimi i kriminelit serb është dëshmi për këtë.
Miodrag Solaja u dënua për vrasjen e 14 civilëve gjatë luftës në Kosovë në vitet 1998-1999, duke përfshirë shtatë fëmijë të ekzekutuar në oborrin e një shtëpie. Ai u la i lirë muajin e kaluar, tre vite para se të përfundonte dënimin.
Postimi i plotë:
Serbia në vazhdimësi po tallet me viktimat e luftës! Këtë e ka bërë në Bosnje e po vazhdon ta bëjë edhe me Kosovën! Këto ditë në Serbi është liruar nga burgu, tre vjet para përfundimit të dënimit, personi i cili është akuzuar dhe dënuar për vrasjen e 14 civilëve shqiptarë në Kosovë. Nga ky krim arritën të shpëtojnë pesë fëmijë, e në mesin e tyre edhe Saranda Bogujevci. Lirimi i kriminelit serb është dëshmi që Serbia po vazhdon të luaj me nervat e të gjithve në të gjitha planet, madje edhe atë ushtarak.
