Kosova realizon supergol, por nuk arrin t’i shmanget humbjes ndaj Spanjës

Kosova nuk i ka nisur mirë eleminatoret e Kupës së Botës Katar 2022. Pas Suedisë, këtë herë dardanët u mundën nga Spanja me shifrat 3-1.

Spanjollët dominuan ndeshjen që nga fillimi i takimit, duke mos i lënë asnjë mundësi dardanëve që të godisnin portën. Goli i parë do të vinte vetëm falë kryeveprës së Olmos në minutën e 34, ndërsa dy minuta më vonë do të dyfishonte Torres.

Dy minuta më vonë Ferran Torres dyfishoi shifrat, me një gjuajtje të fortë nga jashtë zone. Halimi në minutën e 70’ shënoi një gol të çmendur nga afro 40 metra, pas daljes së gabuar të portierit spanjoll, Simon.

Megjithatë kjo zgjati vetëm 5 minuta, pasi Moreno shënoi të tretin për Spanjën në minutën e 75’, me rezultatin që nuk ndryshoi deri në fund.