Presidenti i Serbisë, Aleksandër Vuçiç ka komentuar rezolutën e miratuar nga Kuvendi i Kosovës, mbi gjenocidin serb të kryer në Sebrenicë.
Gjatë një vizitë në një spital në Beograd, Vuçiç u shpeh se kjo rezolutë ka qënë e pritshme, ndërkohë që ka shtuar se u befasua që Mali i Zi nuk e ka miratuar një gjë të tillë, shkruan b92.
“Rezoluta të tilla do të vazhdojnë. Ne mund t’i shmangim ato në disa parlamente, falë marrëdhënieve miqësore, por disa do të vazhdojnë me abuzimin politik të serbëve”,tha Vuçiç.
Kuvendi i Kosovës miratoi sot, me 89 vota, një Rezolutë për dënimin e gjenocidit në Srebrenicë, në Bosnje e Hercegovinë. Rezolutë e iniciuar nga koalicioni boshnjak ne Kuvendin e Kosovës. Rezoluta nuk mori asnjë votë kundër pasi Lista Serbe doli nga salla në momentin e votimit.
Në bazë të kësaj rezolute, dënohet ashpër gjenocidi i shtetit serb në Srebrenicë ndaj popullit boshnjak dhe gjithashtu dënohen të gjitha shkeljet e të drejtave të njeriut si dhe çdo tendencë për të mohuar publikisht gjenocidin.
