Në Kosovë u raportuan edhe 285 raste të reja me koronavirus dhe pesë viktima, bëri të ditur Instituti Kombëtar i Shëndetësisë Publike të Kosovës, (IKSHPK).
Në njoftim thuhet se nga një viktimë u regjistrua në Deçan, Gjakovë, Klinë, Prishtinë dhe Suharekë. Rastet e reja, ndërkaq, rezultuan pas testimit të 3,196 mostrave.
Sipas IKSHPK-së, në 24-orëshin paraprak u konfirmuan edhe 319 pacientë si të shëruar nga koronavirusi.
Me shifrat e fundit, numri total i të infektuarve në Kosovë arrin në 65,350, i viktimave në 1,558, ndërsa i të shëruarve në 56,974 . Aktualisht, raste aktive me koronavirus në Kosovë janë 6,818.
