Ditën e sotme në Kosovë janë regjistruar 5 raste të reja me koronavirus, duke e çuar në 145 numrin total të rasteve.
Sipas IKSHPK-së, rastet e reja janë raste kontakti. Mësohet se tre prej tyre janë me vendbanim në Banjë -Malishevë, 1 nga Gjakova dhe një rasti tjetër nga Smrekonicë-Vushtrri.
Që nga fillimi i epidemisë, në Laboratorin e Mikrobiologjisë Molekulare në IKSHPK me metodën RT-PCR, janë testuar gjithsej 1.964 mostra të dyshimta në virusin SARS-CoV-2, ndërsa Kosova ka regjistruar deri më tani vetëm 1 viktimë.
