Prifti i Kishës Ortodokse “Shën Mëria” në Elbasan, At Nikolla Marku ka reaguar përmes një prononcimi në media pas deklaratave të priftit malazez Radomir Nikçevic, se “Kosova është Serbi”.
Prifti i Kishës së Elbasanit, At Nikolla Marku, teksa ka folur për Report TV ka dënuar deklaratën e priftit malazez, ndërsa kërkoi që ai të dëbohej nga Shqipëria, pasi sipas tij, po cenohet paqja në rajonin e Ballkanit.
Ai tha se gjuha e përdorur nga prifti malazez, nuk është gjuha e respektit dhe dashurisë, poa ai thotë se kjo është një gjuhë e shantazhit.
“Është bërë e udhës që për organizimin e Pashkës të vijnë klerikë, që nuk i largojnë simptomat e vjetra duke thënë ‘Kosova është Serbi’, po ashtu edhe grekët në Jug. Gjuha e priftit malazez nuk është gjuhë dashurie dhe respekti, por shantazhi”-tha ai.
Ai shkoi më tej duke thënë se kjo nuk është një ndërhyrje jo e mirë pasi nuk sjellë prespektivë dhe zhvillim.
“Ai duhet marrë dhe duhet nxjerrë jashtë, shteti duhet të nxjerrë mësime nga këto lloj pësimesh. Klerikët janë të mirëpritur, por jo të tregohen zotë të vendit, kjo është ndërhyrje jo e mirë që nuk sjell zhvillim, kjo sjell gjëra jo të mira. Këta vijnë si të xhindosur, qëllimi i tyre është që të mbështesin politikën për copëtimin e Shqipërisë. Nuk shkon kjo, cfarë do të bëjmë të fitojmë respektin e njëri tjetrit apo të fillojmë luftën në Ballkan? Kjo nuk shkon”-theksoi Marku.
Në lidhje me mos reagimin nga Kisha Ortodokse e drejtuar nga Janullatos, At Nikolla theksoi se ajo është vetë në konflikt.
“Po vuajmë shantazhin nga ortodoksët fqinj”-u shpreh At Marku.Deklaratat e priftit malazez se Kosova është Serbi, ka ngjallur jo pak reagime si brenda ashtu dhe jashtë vendit.
