Shqipëria vijon të mbetet në listën e zezë të Ballkanit sa i takon korrupsionit. Rezulton se korrupsioni në vendin tonë ka ardhur duke u përkeqësuar. Një përfundim i tillë është nxjerrë nga studimi i përvitshëm i Barometrit të Ballkanit mbi perceptimet dhe sjelljet e qytetarëve të rajonit, lidhur me një sërë faktorësh socialë, politikë dhe ekonomikë.
“Perceptimi për korrupsionin mbetet i lartë. Ashtu siç ka ndodhur që prej 2016-ës, shqiptarët janë ata që raportojnë numrin më të lartë të rasteve të mitmarrjes në krahasim me rajonin. Gati gjysma e të intervistuarve shqiptarë thonë se kanë dhënë para në këmbim të shërbimeve mjekësore”, lexohet në raport.
Vetë qytetarët shqiptarë pranojnë që më të korruptuarat janë partitë politike, shërbimet mjekësore, sistemi gjyqësor dhe Parlamenti. Krahasuar me vitin e kaluar, Shqipëria ka shënuar një rënie prej 7%. Gjithashtu, problem shqetësuar për Shqipërinë dhe gjithë rajonin vijon të mbetet edhe papunësia, ashtu si mungesa e sigurisë ekonomike. /balkanweb.com
