Edlira Naqellari, ish-drejtoresha e Agjencisë së Blerjeve të Përqëndruara në Ministrinë e Brendshme është liruar, ndërsa ka përfunduar dënimin. Vendimi për lirimin e saj u dha nga gjyqtari Erjon Çela.
Kujtojmë se Naqellari u arrestua për tenderin e uniformave të policisë. Ish-drejtoresha e Agjencisë së Blerjeve të Përqendruara në Ministrinë e Brendshme, Edlira Naqellari, u dënua me 1 vit burg, pasi u arrestua për “korrupsion me tenderin në uniformat e Policisë së Shtetit”. Edlira Naqellari u deklarua fajtore, për kryerjen e veprës penale “Shkelja e barazisë së pjesëmarrësve në tendera apo ankande publike” kryer në bashkëpunim, si dhe i ndalohet për 5 vitet e ardhshme ushtrimi i të drejtës për funksione publike.(Konvertohet në shërbim prove për 20 muaj)
SPAK përgjoi 9 zyrtarët dhe ish-zyrtarët e Ministrisë së Brendshme, ndërsa kanë qenë bashkëpunëtorët e drejtësisë ata që kanë “zbërthyer” skemën e abuzimit me tenderin.
