Kosova ka regjistruar 767 raste të reja me koronavirus, nurmi më i lartë i të infektuarve që nga fillimi i pandemisë brenda periudhës 24 orëshe.
Rezultatet e të infektuarve vijnë pas marrjes së 2,187 mostrave.
Ndërkohë, janë konfirmuar edhe 8 viktima të tjera. Instituti Kombëtar i Shëndetësisë Publike tha se viktimat janë regjistruar: katër në Prizren, dy në Gjilan dhe nga një në Prishtinë dhe Suharekë.
Instituti po ashtu njoftoi se në 24 orët e kaluara, 186 pacientë janë shëruar nga koronavirusi.
Me shifrat e fundit, numri i përgjithshëm i të infektuarve në Kosovë arrin në 26,888. Prej tyre, 784 pacientë kanë humbur jetën dhe 16,685 janë shëruar.
