Në këtë kohë kur koronavirusi po pushton gjithë botën, mbajtja e një higjiene sa më të pastër është shumë e rëndësishme në luftën kundër këtij virusi.
Por si duket edhe kjo nevojë bazike është luks për më shumë se 40% të popullsisë globale. Sipas Anadolu Agency, Fondit i Kombeve të Bashkuara për Ndihmë të Fëmijëve (UNICEF) raporton se tre miliardë njerëz në gjithë botën nuk kanë në shtëpitë e tyre lavamanë për të larë duart me ujë dhe sapun.
Përmes një deklarate për mediat, UNICEF tha se tre nga pesë persona në botë nuk kanë mundësitë ku mund të lajnë duart e tyre.
Në deklaratë gjithashtu theksohet se 40 përqind e popullsisë së botës, pra tre miliardë njerëz, nuk kanë në shtëpitë e tyre lavamanë për të larë duart me ujë dhe sapun. Po sipas UNICEF, rreth tre e katërta e njerëzve në vendet më pak të zhvilluara u mungon kjo nevojë themelore.
Ndër të tjera, në deklaratë vihet theksi se në një të tretën e shkollave në gjithë botën nuk ka lavamanë për larjen e duarve dhe se në 16 për qind të qendrave shëndetësore mungojnë tualetet dhe lavamanë funksionalë.
