Ministria e Shëndetësisë në Kosovë ka bërë me dije se një tjetër person ka ndërruar jetë, si pasojë e koronavirusit.
Përmes një deklarate për mediat, MSH njofton se bëhet fjalë për një 72-vjecar nga komuna e Gjilanit. Ai është shtruar në spital më 31 mars në gjendje shumë të rëndë shëndetësore, teksa mësohet se viktima kishte edhe sëmundje të tjera shoqëruese.
Kështu numri i viktimave nga koronavirusi në Kosovë shkon në 7, ndërsa 224 janë rastet e konfirmuara me COVID-19.
Deri më tani janë shëruar 37 pacientë. Komuna më e prekur në Kosovë është Malisheva, e cila regjistron 66 të infektuar.
Njoftimi i plotë:
Klinika Infektive e QKUK-së ka njoftuar sonte se sot më 09.04.2020 në orët e mbrëmjes, në Njësinë e Kujdesit Intensiv të kësaj klinike, ka vdekur pacienti Z.I, i lindur më 1948 nga komuna e Gjilanit, i diagnostikuar me COVID 19.
Pacienti është pranuar në Klinikën Infektive me datën 31.03.2020 në gjendje të rëndë dhe kishte edhe sëmundje të tjera shoqëruese.
Kjo është vdekja e shtatë nga Covid-19 në Kosovë.
