Gjatë 24 orëve të fundit në Kinë janë shënuar 108 raste të reja me koronavirus. Në total numri i të prekurve ka shkuar në 82.160.
Kjo shifër në rritje pason pas një kohe qetësie për Kinën, ku nuk raportonte asnjë të infektuar.
Po kështu, gjatë orëve të fundit kanë humbur jetën 2 persona. Deri më tani në shtetin kinez, aty ku për herë të parë u përhap COVID-19, kanë humbur jetën 3.341 qytetarë.
Pak ditë më parë, Wuhan-i, qyteti kinez ku shpërtheu koronavirusi, u rikthye në normalitet pas 76 ditësh në izolim.
Por mesa duket, Kina nuk po normalizohet nga situata e COVID-19, pasi po raportohen raste të reja.
Kjo ka alarmuar vendin, nga frika se mund të ketë një valë të dytë të shpërthimit të sëmundjes vdekjeprurëse.
