Kryeministri Edi Rama ka folur në lidhje me mundësinë për lehtësimin e masave shtrënguese, të ndërmarra me synim frenimin e përhapjes së mëtejshme të koronavirusit.
I ftuar në emisionin “Open” në Top Channel, Rama foli për situatën aktuale në vend dhe se çfarë masash mund të merren në ditët në vijim.
I pyetur nga moderatorja e emisionit, se nëse ka një datë fikse se kur do të fillojë hapja apo lirimi i masave, Rama u përgjigj:
“Hapja nuk do të jetë si një ditë çlirimi. Do të jetë një hapje graduale pjesë-pjesë dhe do të bashkëjetojmë më armikun. Do të bashkëjetojmë çdo ditë me armikun, do ta dimë çdo ditë që mund të prekemi nga armiku. Kjo mund të zgjas deri në 2,3,5 deri në 10 muaj, disa thonë që mund të zgjasë deri në 3 vjet”.
