Kryeministri Edi Rama përmes një postimi në rrjetin social Facebook, i është përgjigjur të gjithë atyre personave që pyesin për planin ekonomik të daljes nga kriza humanitare.
Kreu i Qeverisë u kërkon personave në fjalë që të bëjnë pak durim.
Ndër të tjera, Rama pohon se ditën e sotme shkeljet nga ana e qytetarëve kanë qenë afër zeros.
“Duke ndjekur komentet tuaja u them të gjithë atyre që pyesin për planin ekonomik të daljes nga kjo krizë humanitare që të bëjnë pak durim! Na duhen edhe disa ditë, ju lutem durim!
? Ju kujtoj tërmetin dhe ju përsëris: t’i bëjmë gjërat hap pas hapi që të mund të shkojmë në destinacion! Kini besim se çfarë është në mundësitë e kësaj toke, nuk do të mbetet pa u bërë!
? Ndërsa kujt ankohet për gjobat e rënda të aktit normativ i them se gjobat nuk janë për popullin, po për shkelësit e rregullave të kësaj lufte dhe nuk janë për të mbledhur shteti para, po për të mbrojtur popullin nga shkeljet që në këtë situatë lufte kërcënojnë shëndetin e tij! Sa për një shembull: shkeljet sot kanë qenë afër zeros!
? Të vazhdojmë siç e kemi nisur, të bëjmë durim, të mos kërkojmë në një situatë lufte të zgjidhim brenda tre ditësh, të gjtha problemet e pasluftës!
? Frikë aspak, kujdes po!”, shkruan Rama në Facebook.
